Казанны гастрономия сәяхәтләре өчен Россиянең иң яхшы шәһәре дип таныдылар
"Эш.ру" һәм "ЮKassa" сервислары аналитиклары сораштырылган респондентларның 47 процентының нәкъ менә Казанны гастрономия сәяхәте өчен иң туры килә торган шәһәр дип атавын ачыклаган. Алга таба исемлектә Әстерхан һәм Сочи бар.
Җыелган мәгълүматлар күрсәткәнчә, сораштыруда катнашкан 20% җирле азык кабул итү традицияләрен һәм гореф-гадәтләрен өйрәнергә тели, 19% - милли камыр ризыкларыннан авыз итәргә, 11% - танылган шеф-поварлар иҗаты белән танышырга, ә тагын 9% - җирле рухта ризыкларның гадәти булмаган аш-суларын тәкъдим итүен күрергә тели.
"Россиялеләр гастрономия сәфәрләре өчен шәһәрләр сайлый торган төп фактор регионда гадәти булмаган милли кухня. Аның хакына сәяхәткә сораштырылучыларның 57 проценты китәргә әзер", - диде аналитиклар.
Гастротуризм россиялеләр арасында популярлык казана, яңа кафе һәм рестораннар барлыкка килү, шулай ук заказлар онлайн-түләүне тоташтыру саны арту турында сөйли ала. Бу күрсәткечләр буенча Башкортстан 25% үсеш белән алда бара, аның артыннан Новосибирск өлкәсе (23%), ә топ-3 Волгоград өлкәсе (18%) йомгаклый.
Сораштыруда 18 яшьтән өлкәнрәк 3,8 мең россияле катнашкан.