Башкортостанда "Татарча диктант-2021" белем тикшерү акциясе узачак

2021 елның 7 сентябре, сишәмбе

10, 11 һәм 12 сентябрьдә алтынчы мәртәбә «Татарча диктант-2021» дөньякүләм белем тикшерү акциясе узачак.
Башкортостанда татар телендә диктантны уку йортларындагы, республика районнарындагы һәм шәһәрләрендәге мәйданчыкларда 10 сентябрьдә җирле вакыт белән 13:00 сәгатьтә язып булачак.
Диктантның трансляциясе ТНВ-Татарстан һәм ТНВ-Планета телеканалларында да узачак.
Яңалык буларак, диктантны http://diktant.tatar/ сайтында язу һәм тикшерүгә җибәрү мөмкинчелеге булачак.
"Татарча диктант" акциясендә, яшенә, җенесенә, белеменә һәм диненә карамастан, теләге булган һәркем катнаша ала. Белемеңне тикшер, туган телеңне исеңә төшер!