Татарстан Республикасының Башкортстан Республикасындагы даими вәкиле Башкортстанның Театр эшлеклеләре берлеге ветераннары белән очрашты
Очрашу кысаларында Илсур Ихсанов Башкортстанның Театр эшлеклеләре берлеге рәисе Әхтәм Әхәт улы Абушахмановка Татарстан Республикасы Мәдәният министрлыгының «Мәдәнияттә казанышлар өчен» күкрәк билгесен тапшырды. Бу югары бүләк күпьеллык нәтиҗәле эшчәнлеге һәм театр сәнгатен үстерүгә зур өлеш керткәне өчен бирелде.
Әхтәм Абушахманов - танылган мәдәният эшлеклесе, эше белән Татарстан һәм Башкортстан арасында төбәкара мәдәни элемтәләрне ныгытуга ярдәм итүче . Аның җитәкчелегендә Театр эшлеклеләре берлеге сәхнә ветераннарына ярдәм итүгә һәм яшь талантларны үстерүгә юнәлтелгән мөһим проектларны гамәлгә ашыра.
Илсур Фәнил улы театр сәнгате традицияләрен саклауның мөһимлеген билгеләп үтте һәм башкорт коллегаларына хезмәттәшлек өчен рәхмәт белдерде.
Чара җылы атмосферада узды, катнашучылар театр үсеше перспективалары һәм яңа буын артистларны тәрбияләүдә ветераннарның роле турында фикер алыштылар.