Кичә Уфада татар оешмалары җитәкчеләренең җыелышы узды

22 сентября 2026 г., вторник

Кичә, 21 сентябрьдә, Башкортстан Республикасының татар оешмалары җитәкчеләренең җыелышы булып узды. Әлеге чараны Башкортстандагы Бөтендөнья татар конгрессы вәкиллеге оештырды. Җыелышта 2027 елга планлаштырылган чаралар турында фикер алыштылар.

Чарада Татарстан Республикасының Башкортстан Республикасындагы Даими вәкиле Илсур Ихсанов катнашты. Ул һәрьяклап ярдәм итергә һәм Татарстан белән Башкортстан арасындагы күперне ныгытырга әзер булуын белдерде.