«Ана теле-2023» Бөтенроссия студентлар конкурсына йомгак ясалды
Мифтахетдин Акмулла исемендәге Башкорт дәүләт педагогика университетында «Ана теле-2023» XV Бөтенроссия педагогика осталыгы конкурсы узды. Быелгы бәйге Педагог һәм остаз елына, шулай ук Халыкара туган телләр көненә багышланды. Конкурсның максаты - булачак татар теле һәм әдәбияты укытучыларын - талантлы студентларны ачыклау һәм аларга ярдәм итү.
Быел конкурста Казан, Алабуга, Стәрлетамак, Уфа һәм Минзәләдән 12 студент катнашты. Җиңүчеләр булдылар:
3 урын - Казан федераль университеты Алабуга институтының 5 курс студенты Айсина Зиннәтова; Гөлчәчәк Шәйвәлиева, М.Акмулла исемендәге Башкорт дәүләт педагогика университетының 3 курс студенты һәм Чулпан Вәлиева, Муса Җәлил исемендәге Минзәлә педагогика көллиятенең 4 курс студенты. 1 урын - Энҗе Мусина, Казан федераль университетының Алабуга институтының 5 курс студенты.
«Ана теле-2023» Бөтенроссия педагогик осталык конкурсының XV Бөтенроссия студентлар конкурсында Гран иясе - Казан (Идел буе) федераль университетының 4 курс студенты Ризал Гыйләҗев.
Конкурста җиңүчеләрне котлыйбыз һәм аларга укуда һәм педагогик эшчәнлекләрендә уңышлар телибез!
https://vk.com/video-218246856_456239059